 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Зорка падала ў жвір –
абгарэлы камяк
Падарожныя ў попел крышылі.
Ім паказваў дарогу вільготны сьвятляк.
Сёньня – попел ад зор зварушылі.
I відушчымі робіць нас горкая кроў
Раскапаных даўнейшых злачынстваў.
Ды нямеюць відушчыя –
раптам ізноў
Згасіць цемра іх зрок прамяністы.
Мы пад ногі сабе пачынаем глядзець,
Разумець, дзе – казюрка, дзе – зорка.
Толькі – ходзіць між намі
нябачная Сьмерць,
Падслухоўвае нашу гаворку,
Прывілеі свае спадзяецца адняць,
Аднавіць для законаў паліцы –
I ня кожны насьмеліцца
зоркаю стаць
I з братамі сьвятлом падзяліцца.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
